Math@ebol: Datrys Problemau 1 [Minkštas viršelis]

Yn fy marn i - gan Siān Richards, Ysgol Gynradd Gymraeg y Login Fach, Abertawe



Sut y defnyddiwyd y llyfr

Defnyddiwyd y llyfr hwn i gyflwyno strategaethau a dulliau mwy effeithiol o ddatrys problemau ac i gynnig ymarfer gwahaniaethol wrth ddefnyddior strategaethau hyn.

Mae pob adran or llyfr yn cynnwys 5 neu 6 cherdyn tasgau y gellir eu llungopļo. Cyflwynwyd y cardiau hyn mewn sawl ffordd; i ddosbarth cyfan, i grwpiau o fewn y dosbarth, neu i ddisgyblion oedd yn gweithio mewn parau.

Gan fod y tasgau wedi eu gosod ar dair lefel wahanol, roedd hin bosibl trefnu bod pob plentyn yn gweithio ar lefel addas fel nad oedd neb yn cael ei adael allan.



Hwyl wrth weithio

Roedd y plant yn mwynhau gwneud y cardiau tasg mewn parau ac mewn grwpiau. Roeddynt yn ymwybodol eu bod yn dysgu sgiliau gwahanol wrth iddynt weithio drwyr cardiau. Dyma fodd ir disgyblion gael hwyl wrth iddynt wneud eu mathemateg.



Adnodd gwerthfawr iawn

Mae hwn yn llyfr diddorol a chynhwysfawr ar sgiliau a strategaethau ar gyfer datrys problemau ymarferol. Maen llyfr syn rhwydd iw ddefnyddio ac maer adran syn esbonio sut mae defnyddio strategaeth arbennig yn un hynod o werthfawr.

Hyfryd oedd cael y tasgau ar dair lefel wahaniaethol - roedd hyn yn fuddiol iawn yn fy nosbarth i. Maer llyfr hwn yn adnodd gwerthfawr iawn er mwyn hybu gallu disgyblion Blwyddyn 4 i ddatrys problemau mathemategol.



Ei gryfderau ai wendidau

Cryfderaur llyfr hwn yw ei fod yn rhwydd iw ddefnyddio. Maer tasgau wedi eu gwahaniaethun effeithiol. Maen fwrlwm o syniadau da ac maen dod ā hwyl i Fathemateg.

Yr unig wendid a welais i oedd bod yr eirfa yn gallu bod yn anodd i ambell aelod llai galluog o'r dosbarth. -- Cyngor Llyfrau Cymru